Contos a centos
Tachán!
Contactamos co acervo e a cultura mediante a oferta de espectáculos ou contidos executados por especialistas e en diversos formatos.
Xoves 19. “Contos a centos”, de Paco Nogueiras (de 2 a 6 anos)
Poesía, contos tradicionais e relatos do autor enriquécense cun acompañamento musical elaborado expresamente para cada historia. Ademais, os retrousos e as cancións fan que as nenas e nenos poidan participar activamente nas sesións, ao acompañaren as historias coa súa voz, coas palmas ou cos acenos.
O prazo para anotarse remata ás 12 h do día anterior á actividade. As prazas asígnanse por orde de entrada das inscricións e confírmanse mediante unha mensaxe ao correo electrónico facilitado, unha vez que se cerrou o prazo.
Para anular a praza ou calquera outra incidencia cómpre enviar un aviso ao noso enderezo habitual: dlg@santiagodecompostela.gal.
Pregamos que acuda como máximo unha persoa adulta por crianza.