A viaxe de Lup
Tachán!
Contactamos co acervo e a cultura mediante a oferta de espectáculos ou contidos executados por especialistas e en diversos formatos.
Xoves 17. “A viaxe de Lup”, de Sole Felloza (de 0 a 4 anos)
A viaxe de Lup é un espectáculo de narración oral que mestura son, versos, contos e pequenos obxectos, pensado especialmente para a primeira infancia para que viaxen coa imaxinación a través das palabras e dos sentidos.
O prazo para anotarse remata ás 12 h do día anterior á actividade. As prazas asígnanse por orde de entrada das inscricións e confírmanse mediante unha mensaxe ao correo electrónico facilitado, unha vez que se cerrou o prazo.
Para anular a praza ou calquera outra incidencia cómpre enviar un aviso ao noso enderezo habitual: dlg@santiagodecompostela.gal.
Pregamos que acuda como máximo unha persoa adulta por crianza.