Enredando

Foto de Tara Winstead en Pexels
Crianzas

Un espazo moi aberto para pasalo ben, socializar e darlle á lingua. Podemos brincar, pintar, mover corpo ao son da música, cantar, xogar cos ditos, coas adiviñas, imaxinar… O principal é crearmos un contexto favorable ao galego.

Para acudir só hai que anotarse antes das 12 horas do día anterior cubrindo este formulario:

Inscrición para o 21 de outubro

As prazas son limitadas, para gardarmos as medidas de seguridade, e confírmanse por correo electrónico unha vez rematado o prazo de inscrición.

En caso de que queden prazas libres, o formulario poderá permanecer aberto un día máis pero é preciso asegurase de que se recibiu a confirmación para poder asistir á actividade.

Para anular a praza ou calquera outra incidencia pregámosvos que enviedes un aviso ao noso enderezo habitual: dlg@santiagodecompostela.gal

Pregamos que nas actividades dirixidas a nenas e nenos acuda como máximo unha persoa adulta por crianza.

O acceso ao espazo abre uns quince minutos antes de cada actividade. Aconséllase acudir con roupa cómoda e é obrigatorio o uso de máscara.

 

Dirixido a : 
Nenas e nenos entre 2 e 6 anos con acompañamento adulto
Data, hora e lugar: 
Xov, 21/10/2021 - 17:30
Espazo Apego
Prazas: 
18