Tardes xogantinas

Crianzas

As Tardes xogantinas son un tempo no que socializar e xogar en galego para nenas e nenos de 3 a 6 anos. Un recuncho semanal de xogo colectivo onde aprender e experimentar en grupo e coa lingua como vehículo e como elemento de cohesión e acceso ao patrimonio lúdico tradicional.  

Cada sesión terá unha duración dunha hora e media, sen acompañamento das persoas titoras e baixo a guía, sempre divertida e educadora, de Xandobela!

Para acudir cómpre inscribirse cubrindo este formulario:

Inscrición para Tardes xogantinas 06/07/2022

O prazo para anotarse remata ás 12 h do día anterior á actividade.  As prazas asígnanse por orde de entrada das inscricións e confírmanse mediante unha mensaxe ao correo electrónico facilitado, unha vez pechado o prazo. 

Para anular a praza ou calquera outra incidencia pregámosvos que enviedes un aviso ao noso enderezo habitual: dlg@santiagodecompostela.gal

O acceso ao espazo abre uns quince minutos antes de cada actividade. Aconséllase acudir con roupa cómoda.

Dirixido a : 
Crianzas de 3 a 6 anos
Data, hora e lugar: 
Mér, 06/07/2022 - 17:30
Espazo Apego
Prazas: 
20