O son da auga
Inscrición
OS MÉRCORES A FAMILIA VAI Á ESCOLIÑA!
Charlas e obradoiros prácticos sobre diferentes aspectos da crianza: seguridade viaria, coleo, aleitamento, nutrición, oferta das escolas infantís municipais, crianza plurilingüe, as vantaxes de medrar en galego, recursos educactivos, educación emocional, como contar contos, a música na crianza, ergonomía e movemento…
Neste mércores de escoliña gozaremos dun obradoiro tecnolóxico no que a experta en didáctica Almudena Alonso Ferreiro achegará unha nova visión ás familias sobre como traballar coas crianzas no eido da construción de xogos tecnolóxicos e con elementos facilmente dispoñibles. Tamén haberá unha actividade de auga!
Para familias con crianzas de 3 a 6 anos
20 prazas (máximo 10 crianzas)
Inscrición previa en dlg@santiagodecompostela.gal (nome completo, idade de cada unha das persoas asistentes e teléfono de contacto). O prazo para inscribirse na actividade comezará ás 00 horas do mércores da semana anterior.
Para poder seguir as normas de hixienización, o acceso ao espazo comezará arredor de vinte minutos antes da actividade. Na sala de actividades entrarase sen calzado (aconséllase acudir con calcetíns grosos). Recoméndase acudir con roupa cómoda. É obrigatorio o uso de máscara en todo o local.