O espantamedos

Contos no parque
Crianzas

Os martes do mes de agosto temos unha cita no parque de Bonaval! Nun espazo perfecto, ao aire, recibiremos neste primeiro martes a Inacio Vilariño co seu "Espantamedos".

Inacio Vilariño / "O espantamedos"

O medo, a pesar de facernos vivir momentos indesexables, protéxenos de multitude de perigos e situacións que poden resultar prexudiciais. Por iso, desde sempre, os medos tiveron nome e imaxe. En Espantamedos propóñense un conxunto de contos e cancións para enfrontarse a eses medos patrimoniais que, dun xeito ou doutro, sobreviven na sociedade galega dos nosos días.

Para seguirmos sendo prudentes, haberá limitación de prazas e, polo tanto, será necesario inscribirse previamente. Pode facerse desde o xoves 29 de xullo en reservas.gal

Será obrigado levar a máscara e recomendamos tamén unha mantiña para sentar na herba!

Dirixido a : 
Crianzas de 3 a 6 anos
Data, hora e lugar: 
Mar, 03/08/2021 - 18:00
Parque de Bonaval
Prazas: 
150