Circo Galaico

CONTOS NO PARQUE

Os martes do mes de agosto temos unha cita no parque de Bonaval! As actividades do Apego saen fóra e invítanvos a vir escoitar, participar e socializar en galego todos os martes ás 18 h na zona da plataforma dos arcos. Non esquezades traer a mantiña e a merenda que alí estarán os contos, cantos, monicreques... O acceso é aberto e de balde.

O derradeiro martes de agosto os monicreques do "Circo Galaico" chegarán da man de Títeres Alakrán! 

Espectáculo de variedades conducido por un presentador que será o mestre de cerimonias de clásicos e insólitos números de circo. Un circo único onde a maxia e o fantástico se mestura co autóctono, onde os artistas serán animais da fauna galega en liberdade. Entre outros, contaremos con: Xaquín o forzudo xabaril; Corvus, o corvo equilibrista; Pedriño, o raposo malabarista e a incrible cabra Ribelina.