Na granxa de Perico
Este xoves hai función!
A contadora Ana Facchini tráenos unha combinación de pequenas historias para as primeiras idades con retrousos, cantigas, xogos de man e de faldra, poemas e obxectos. Os animais e o coñecemento do mundo natural e das tradicións protagonizarán esta sesión de encantacontos.
As prazas son limitadas e confírmanse por correo electrónico unha vez rematado o prazo de inscrición (ás 12 h do día anterior).
En caso de que queden prazas libres, o formulario poderá permanecer aberto un día máis pero é preciso asegurase de que se recibiu a confirmación para poder asistir á actividade.
Para anular a praza ou calquera outra incidencia pregámosvos que enviedes un aviso ao noso enderezo habitual: dlg@santiagodecompostela.gal
Pregamos que nas actividades dirixidas a nenas e nenos acuda como máximo unha persoa adulta por crianza.
O acceso ao espazo abre uns quince minutos antes de cada actividade. Aconséllase acudir con roupa cómoda e é obrigatorio o uso de máscara.