Marzo con Apego
O mes de marzo trae a primavera e tamén unha machea de actividades para compartirmos con moito apego pola lingua!
Velaquí a proposta:
Tardes de contos
Martes / 17 e 18.15 h / Espazo Apego
Un tempo para entrar nos contos e experimentar a partir deles, aprendendo cada vez máis palabras para entender o mundo. As actividades desenvólvense cada semana arredor dun centro de interese diferente e en dous horarios: de 17 a 18 h para 0-3 anos e de 18.15 a 19.15 para 3 a 6 anos.
Martes 7. A cor que escollas
Martes 14. Lentes fantásticas
Martes 21. Bolboretiñas
Martes 28. Cousas de bechos
Enredando
Mércores / 17 h / Espazo Apego
Un espazo de entretemento activo arredor do xogo, libre ou guiado. A socialización en galego é o obxectivo e a imaxinación e os valores da amizade e a cooperación serán as ferramentas. A actividade contará con dous grupos diferenciados: para 3-6, sen acompañamento dunha persoa titora, e para 0-3 con acompañamento. Nos dous casos o horario será de 17 a 19 h. Iranse incorporando temas e materiais relacionados coas festividades, o medio natural, a contorna inmediata etc., para propiciar a interacción.
Mércores 1
Mércores 8
Mércores 15
Mércores 22
Mércores 29
Presentación da Semente
Sábado 4 /12 h / Espazo Apego
O equipo da Semente Compostela convídanos a un encontro para coñecer máis o seu proxecto educativo e resolver dúbidas sobre a escola e o proceso de inscrición do vindeiro curso que está a piques de abrir.
Entrada libre
Novos lobos de Fantoches Baj (+5 anos)
Xoves 9 / 18 h / Espazo Apego
Na soidade da montaña, un pastor cóntalles ás súas ovelliñas contos de novos lobos. Lobos que xa non meten medo como o lobo de San Froilán, quen trocou a súa ansia devoradora de carne pola dos libros, ou o lobo a quen lle gustaba a música e non comeu a avoíña do carapuchiño porque esta lle cantou unha canción, ou o conto do lobo e do seu eterno inimigo, o raposo, aos que amosarse a súa amizade e afecto lles axuda a que todo lles vaia mellor.
Cucú de María Faltri e Jorge Juncal (+3 anos)
Xoves 30 / 18 h / Espazo Apego
Cariño, confort, descanso, experiencias sensoriais, emoción, outros bebés e diversión en familia. Unha sesión ideada para transcorrer polo universo da crianza, pasando dunha sensación a outra coa naturalidade coa que medramos a cada paso que damos. Cucú é unha selección das cancións do libro disco Fantasía coas Palabras que mellor acolle as necesidades dos primeiros anos de vida dos nosos protagonistas, os bebés.
O mes de marzo trae a primavera e tamén unha machea de actividades para compartirmos con moito apego pola lingua!