A literatura galega na programación de abril do Espazo Apego
Neste mes primaveral, temos dous mércores moi bibliófilos: o Día da literatura infantil e xuvenil [LIX] e o Día do libro (o 2 e o 23, respectivamente), polo que no Espazo Apego aproveitaremos para celebrar a nosa literatura.
O primeiro luns deste mes elaboramos, deixando voar a nosa imaxinación, uns libriños comestibles ben saborosos e no terceiro recibiremos a visita dunha entidade que traballa na literatura galega. Ademais, os xoves de Tachán! comezan co último libro-disco de Pakolas e rematan coa chegada do cuco na primavera con Percubebés.
Todas as actividades propostas se desenvolven con inscrición previa cubrindo cadanseu formulario. O día anterior sobre as 12 h recibirase un correo coa confirmación da praza, xusto despois de rematar o prazo de inscrición.
A lingua medra
Luns / 17 h / Espazo Apego
Os diferentes contextos da vida teñen o seu espazo cada luns arredor do xogo, da experimentación, do coñecemento… Cada semana o enfoque será diferente: cociñarase no espazo Merendolas; a psicomotricidade será a guía en Movéndonos con Apego; realizaremos unha actividade interxeracional cunha visita especial en Quen vén?; e a ciencia será a protagonista en Experimentamos. De 17 a 19 h para 2-6 anos. O correo de confirmación da praza neste caso recibirase o venres anterior á actividade, ao rematar o prazo de inscrición.
Luns 7. Merendolas: Libriños
Luns 14. Movéndonos con Apego
Luns 21. Quen vén?
Luns 28. Experimentamos
Tardes de contos
Martes / 17 e 18.15 h / Espazo Apego
Un tempo para entrar nos contos e imaxinar a partir deles, aprendendo cada vez máis palabras para entender o mundo. As actividades desenvólvense cada semana arredor dun centro de interese diferente, arredor dunha temática mensual e en dous horarios: de 17 a 18 h para 0 a 3 anos e de 18.15 a 19.15 h para 3 a 6 anos.
Martes 1
Martes 8
Martes 15
Martes 22
Martes 29
Enredando e lingoretando
Mércores / 17 h / Espazo Apego
Un espazo de entretemento activo arredor do xogo, libre ou guiado. A socialización en galego é o obxectivo e a imaxinación e os valores da amizade e a cooperación serán as ferramentas. A actividade contará con dous grupos diferenciados: para 3-6, sen acompañamento dunha persoa titora, e para 0-3 con acompañamento. Nos dous casos o horario será de 17 a 19 h. Iranse incorporando temas e materiais relacionados coas festividades, o medio natural, a contorna inmediata etc., para propiciar a interacción.
Mércores 2. Xogamos coas palabras
Mércores 9. Fabricamos xoguetes
Mércores 16. Imos ao patio
Mércores 23. Xincana de palabras
Mércores 30. Xincana de palabras
Tachán!
Dous xoves do mes/ 18 h / Espazo Apego
Contactamos co acervo e a cultura mediante a oferta de espectáculos ou contidos executados por especialistas e en diversos formatos.
Xoves 10. “Ecoralia, a lambona ecolóxica”, de Pakolas (de 3 a 6 anos)
Contaremos e cantaremos a historia de Ecoralia, que nos ensinará a través das súas cancións a importancia de consumirmos alimentos ecolóxicos para coidarmos o medio ambiente, tanto na terra coma no mar, combatermos o cambio climático e garantirmos o benestar animal.
Así, a través das cancións e a narración, adentrámonos nas entrañas da carballeira máis extensa de toda Galicia, onde a vexetación é máis mesta e verde e vivía Ecoralia. Sempre vestía da cor do musgo e levaba unha trenza longa e roxa recollida cun estalote. Ecoralia era unha meiga moi nova e boa coñecedora de conxuros ancestrais aprendidos das súas avoas. Porén, ela non era coma as demais.
Xoves 24. “O cuco veu por acá e marchou por alá”, de Percubebés (de 0 a 4 anos)
Á vez, este espectáculo musical é tamén un obradoiro de percusión para o público bebé e as súas familias. Nesta proposta interveñen Marcelo Dobode e Bea Martínez, dous artistas moi familiarizados coa educación musical na primeira infancia.
Durante o obradoiro as familias aprenden, participan e adquiren ferramentas para a execución musical e, asemade, descobren pequenas cantigas infantís.
Neste mes primaveral, temos dous mércores moi bibliófilos: o Día da literatura infantil e xuvenil e o Día do libro (o 2 e o 23, respectivamente), polo que no Espazo Apego aproveitaremos para celebrar a nosa literatura.