Convocatoria dos obradoiros de acollemento lingüístico na primavera 2025

Ábrese o prazo de inscrición para dous obradoiros de acollemento lingüístico (nivel iniciación e nivel continuación) dirixidos a persoas doutras comunidades lingüísticas que se achegan por primeira vez ao galego (nivel iniciación) ou que xa realizaron unha primeira achega e que desexan continuar a súa formación en lingua galega (nivel continuación).

A duración de cada un deles é de 36 horas distribuídas en dúas sesións á semana. A inscrición é gratuíta e está aberta ata o luns 24 de marzo ás 12.00 h. Unha vez que finalice o prazo de inscrición, as persoas admitidas (25 en cada obradoiro) recibirán a confirmación no correo electrónico que indicasen na inscrición.

As clases serán presenciais no Espazo Apego (rúa da República do Salvador, 12) e tanto o obradoiro de iniciación como o de continuación desenvolveranse nas mesmas datas: 26 e 31 de marzo; 2, 7, 9, 23, 28 e 30 de abril; 5, 7, 12, 14, 19, 21, 26 e 28 de maio; 2, 4, 9, 11, 16, 18, 23 e 25 de xuño.

• Obradoiro de iniciación (mañás)

  • Luns e mércores de 11 a 12.30 h
  • Prazas: 25
  • Inscrición neste formulario ata o 24 de marzo ás 12.00 h

• Obradoiro de continuación (tardes)

  • Luns e mércores de 19.30 a 21.00 h
  • Prazas: 25
  • Inscrición neste formulario ata o 24 de marzo ás 12.00 h