Acollemento lingüístico

Xeral

Un curso para persoas adultas procedentes doutras comundades lingüísticas que queiran realizar un primeiro achegamento ao galego e á nosa realidade cultural e social.

Procurará faciltar as destrezas básicas para a compresión oral e escrita e un coñecemento inicial de historia, xeografía e aspectos prácticos como a estrutura administrativa ou os recursos ao dispor das persoas que veñen vivir á nosa comunidade.

A actividade é gratuíta e precisa inscrición (20 prazas). Todas as persoas que xa se inscribiran anteriormente manteñen a súa praza e só se admitirán novas se se producen vacantes mentres antes da primeira sesión.

O horario é de 17 a 19 horas, os luns a partir do 8 de xuño, ao longo de 15 sesións.

As aulas serán no  ESPAZO APEGO (local municipal da rúa da República do Salvador, 12 - entresollado).

A inscrición cómpre facela enviando un correo electrónico ao Departamento de Lingua Galega do Concello (dlg@santiagodecompostela.gal) no que se indiquen o nome e apelidos e un teléfono de contacto. Se se require algunha praza para o obradoiro infantil é necesario indicalo tamén.

Para calquera outra información ou aclaración pode contactar directamente co Departamento de Lingua (dlg@santiagodecompostela.gal). 

 

 

 

 

 

Dirixido a : 
Persoas adultas procedentes doutras comunidades lingüísticas
Data, hora e lugar: 
Lun, 08/06/2020 - 17:00
Espazo Apego
Prazas: 
20